Cash on delivery  30-day money-back guarantee

0 item

دليلك لعالم المكملات

Banner Images


 


صحتك وقوامك المثالي هو جمالك الخارجي، اهتمي بجمالك وابدأي في التمارين الرياضية وماكس ماصل هتعرفك قاموس الجيم. 


ليه لازم اتمرن؟ 


التمرينات الرياضية مفيدة ومهمة على الجانب النفسي والجسدي.

  • علي الجانب النفسي: تقليل التوتر وزيادة الاسترخاء والهدوء النفسي.

  • على الجانب الجسدي: التمارين الرياضية بتحفز الجسم لحرق دهون أكثر، وبيعمل على شّد الجسم وبيمنع وجود ترهلات. 


اتمرن امتى؟ 


  • التمارين المنتظمة بتتطلب منك شوية تفّرغ وشوية استمرارية مع حبّة مجهود، اتمرني من يومين لـ 3 أيام في الأسبوع، ولو مشغولة طول الوقت اتمشي كل يوم لمدة نصف ساعة أو أجرى أو حتى اركبي عجلة، أو حتى ارقصي زومبا وانتي في مكانك في البيت، اهم حاجة انك تعملي مجهود وتتحركي. 


ايه المكملات الغذائية اللي ممكن اضيفها لنظامي الغذائي؟ 


1- واي بروتين (Whey Protein).

2- مالتي فيتامين (Multi-Vitamins).

3- أحماض أوميجا الدهنية (Omega 3).

4- بروتين بار (Protein Bar).


الواي بروتين 


بروتين شرش اللبن مهمته انه يكمل احتياجك من البروتين والبروتين مهمته انه يبني عضلاتك ويخليكي قوية جسديَا بمعنى قدرة تحملك هتبقي أعلى ومن غير ما تفقدي شكلك الأنثوي أو يظهر عليكي أى مظهر ذكوري، بالعكس تمامًا هتوصلي لقوام ممشوق بدون ترهلات.



اجيب اى نوع من البروتين؟ 


لو عايزة نوع لتكملة احتياجك من البروتين وميزانيتك محدودة: 

  • اختاري اي براند بيحتوي على Whey Protein Concentrate. 


لو بتعملي كيتو دايت او عندك حساسية لاكتوز أو بعد عملية تكميم المعدة:

  • اختاري Whey protein Isolate أو Whey Protein Hydrolyzed لأنهم أقل  في نسبة الكربوهيدرات ونسبة الدهون وخفيف على المعدة.


لو أنتي Vegan\Vegetarian: 

  • اختاري بروتين نباتي vegan ومتوفر براندات مصرية وعالمية للبروتين النباتي. 



استخدم الواي بروتين امتي وازاي؟ 


  • في أيام التمرين: 1 سكوب علي كوب ماء أو لبن عشان يزود انتاج البروتين في العضلات ويسرع عملية استشفاء العضلات وتقليل الهدم العضلي والإرهاق. 

وخليكي فاكرة أن عضلاتك بعد التمرين أكثر عنصر محتاجه هو البروتين، فلازم تستهلكي أى نوع من البروتين قبل انتهاء ساعة من تمرينك.


  • في الأيام العادية: 1 سكوب وقت الفطار أو وسط اليوم، كمان ممكن تدخليه في وصفات زي البان كيك والشوفان والسموثي. 





المالتي فيتامين - MultiVitamin 


ايَا كان عمرك احتياجك لمالتي فيتامين دايم لأن المالتي فيتامين هيزود جمالك الداخلي والخارجي وهيزود حيويتك وطاقتك وهيقوي مناعتك وهيحسن الهضم وهيعوض أى نقص من المعادن والفيتامينات، وتأثيره كمان بيشمل شعرك وبشرتك وأظافرك. 


  • اعرف اى نوع مناسب لي ؟ 


استشيري الدكتور المختص وهو هيحدد ليكي اي نوع فيتامين تاخديها أو مالتي فيتامين غني بكل العناصر. 




أحماض أوميجا الدهنية - Omega 3


جسمك دايمًا في حاجة للدهون الصحية زي أحماض أوميجا الدهنية لأنها بتساعد على تقليل مخاطر الإصابة بأمراض القلب والسرطان، يحمي من الإصابة بهشاشة العظام، وبتعمل على تحسين المزاج ويعالج الاكتئاب. 


  • استخدمه امتي وازاي؟ 


استهلكي كبسولة لـ 2 يوميًا بعد الأكل حسب تعليمات الاستخدام على العبوة. 




بروتين بار - Protein Bar 


البروتين بار أنسب حل لـ Snack سريع مليان بروتين وكربوهيدرات وكمان فيتامينات ومعادن، سعراته الحرارية قليلة، سهل يبقي معاكي دايمًا في أى وقت، وأسرع حل لسد الجوع المفاجئ بدون اى لخبطة في نظامك الغذائي. 



  • هل فيه أنواع من البروتين بار؟ 

 

فيه أنواع و براندات كثير، وأشكال ونكهات متنوعة، هتلاقي نوع مناسب للكيتو ونوع نباتي ونوع مغطى بالشوكولاتة الغامقة ونوع غير مغطى، ونكهات لا حصر لها، اختاري منها اللي تحبيه. 



  • هل ينفع اخد أكثر من 2 بار في اليوم؟ 


يُفضل بار واحد في اليوم ويكون محسوب سعراته الحرارية ونسب البروتين من احتياجك اليومي، ومتنسيش انه مكمل غذائي مش بديل له. 



  • ينفع بعد التمرين ؟ 


مناسب جدًا بعد التمرين والأنسب انك تختاري الأنواع اللي فيها نسب أكثر من 20 جرام بروتين. 




وبكده هتكوني عرفتي إجابات الأسئلة اللي بتدور في بالك ولو فيه أى استفسارات ابعتيلنا. 






You can compare max 4 products.