Cash on delivery  30-day money-back guarantee

0 item

ماكس ماصل هتقولك إزاى تحضر للبطولة فى 5 خطوات

إزاى تحضر لبطولة -فئة الفيزيك-

Banner Images


سواء كنت مشجع لبطولات زى Mr. Olympia، أو نفسك تشارك فيها وبتحضر لها من زمان، أكيد هتكون عايز تعرف سر فوز الأبطال بالمراكز الأولى.


تعالوا نعرف الأول يعنى ايه physique ؟

 

الـ Physique يعني اللياقة البدنية والجسم الـ shreded، وأفضل Shape ممكن توصله له، وأفضل وضعيات علي المسرح.



ماكس ماصل هتقولك إزاى تحضر للبطولة فى 5 خطوات:


1- عمل جدول تدريبي: 

الـ Schedule أهميته إنك بتبقي عارف إيه الخطوة الجاية وهتوصل لإيه، وبيتم حساب كل التفاصيل الصغيرة والدقيقة والمراحل اللي هتوصلها طول فترة التجهيز لبطولتك، بداية من حساب السعرات الحرارية فى نظامك الغذائي وتحديد الوزن اللي هتوصل له مع نسبة الدهون والعضلات في جسمك وصولًا لمرحلة الـ Tanning قبل الصعود على المسرح.


2- إختيار المدرب المناسب:

المدرب أو الـ Coach أو الـ Trainer، أيًا كان المسمى … هو كلمة السر لنجاحك، لأنه أفضل شخص هيرشدك وهيوجهك وهينصحك باللى لازم تعمله وينهيك عن أخطاء وقع فيها كتيرغيرك، عشان كده لازم تختار المدرب اللي عنده الخبرة فى مجال اللياقة البدنية والتغذية الصحية.


3- مرحلة الوصول للجسم المثالي:

فى فئة الفيزيك بيتم التركيز على تقليل نسبة الـ Body Fat لإظهار العضلات بتفاصيلها وتقليل المياه في الجسم وتركيزها في العضلات، وده اللي بيوصل إن كل اللي بيجهزوا لبطولاتهم يبقى هدفهم إتباع نظام غذائي لتقليل الوزن وبالأصح لتقليل الكتلة الدهنية وتقليل نسبة المياه في الجسم لو نسبتها عالية، عشان كده المدرب بيحدد بدقة نسبة المياه والصوديوم وكمان الكربوهيدرات والدهون الصحية، وبإختلاف الطرق اللي بيستخدمها كل مدرب، فممكن تلاقي مدرب بيقطع مياه لفترة ومدرب لا، ومدرب أخر بيقطع كارب وهكذا، أحيان كثيرة بيختلف الوسيلة لكن الهدف واضح وصريح وهو الوصول لـ Shape خرافي.


ومن المكملات الغذائية الأساسية فى المرحلة دى: 

  • Whey Protein Isolate.

  • Creatine.

  • Arginine.

  • L-carnitine.

  • Multi-Vitamins & Omega 3.


اعرف أكثر عن المكملات الغذائية من هنا : عروض المكملات الغذائية

 

4- التدريب على الـ Poses: 

الأوضاع الإستعراضية هى أهم شىء بيظهر قدرة المتنافس على إظهار جسمه في أفضل صورة وده من خلال الـ 7 وضعيات والجولة الحرة اللي بيظهر فيها تفاصيل الجسم أكثر وبيتم من خلالها تقييم الحكام لأفضل وضعيات وبيتم التدرب عليها وإتقانها قبل الظهورعلى المسرح، ومن سر النجاح إن اللاعب يكون واثق في نفسه علي المسرح، لأن الثقة هتساعده على تأدية الأوضاع بأفضل شكل.


عشان تحترف الـ Posing لازم تفتكر إنه Presentation  قبل ما يكون فن -ART-، وعشان تبقى فنان وتحترف الاستعراض، لازم تدّرب على العرض ثم تطلق العنان لإبداعاتك.


اتدّرب كل يوم من 10 دقائق لـ 15 دقائق، وزود المعدل كل فترة.


حافظ على وجود انسيابية فى النقلات بين الأوضاع الإستعراضية لأن ده هيخليك تظهر بشكل احترافي أكثر.


5- الـ Tanning: 

أسطورة المسرح مش هتكمل من غير الـ Tan اللامع اللى بيساعد على إبراز تفاصيل، إنحناءات وعمق عضلاتك في أى وضعية من الـ 7 وضعيات أو الجولة الحرة في المسابقات زي Dream Tan.

الـ Tan مصنوع خصيصًا للبطولات والمسابقات لتحديد عضلاتك واظهارهم بأفضل شكل، ويعتبر من أهم الخطوات اللى مينفعش تستغنى عنها وهتشوف الفرق بنفسك.



إعرف تفاصيل أكثر عن Dream Tan من هنا: Dream Tan


 متنساش تركز على تمرينك وقدراتك وقارّن تطورك بأيام تدريبك الأولى وافتخر بكل تطور بتوصله، وزود اهتمامك بنفسك أولاً وأخيرًا وبكده جمعنا لكم أهم 5 خطوات لتجهيزات البطولة، استنونا فى مقالات اخرى.


You can compare max 4 products.