Cash on delivery  30-day money-back guarantee

0 item

"يا كابتن، انا اخدت المكمل الغذائي ومجابش معايا نتيجة"

Banner Images


كتير بنسمع نفس الجملة وكتير كمان مننا ممكن يكون حصل معاه نفس الموقف ومعرفش ايه السبب ولا الاجابة على سؤاله! انهاردة هنعرفك ليه المكمل الغذائي ممكن ميجبش معاك نتيجة، وازاي اصلا تعرف تختار المكمل المناسب ليك ويخدم هدفك اللي عايز توصله.


لكل هدف مكمل يتماشى معاه وبيسد احتياجاته، وفى حالة انك اخدت مكمل مش مناسب هتلاقي نتيجة ضعيفة جداَ او ممكن تكون معدومة كمان، عشان كده لازم تعرف ايه اللي يناسبك وليه، وايه اللي تاخده وفى انهى وقت، وكمان لازم تلتزم بالجرعات المحددة وتهتم بالتمارين الرياضية و الأكل الصحي، لأنهم بيكملوا بعض.


خطوات اختيار المكمل المثالي:

  1.  تحديد الـ Goal-هدفك.

  2. الالتزام ومتابعة التمارين الرياضية ونظام الأكل الصحي.

  3. اعرف ايه المكملات المناسبة لهدفك.

  4.  الاستمرار ومتابعة النتائج.

  5.  ضيف الـ Omega 3 و الفيتامينات لنظامك الغذائي.



ازاي تعرف هدفك!

لأننا مختلفين في كل شئ حتى في أهدافنا وطموحاتنا وكمان شكل جسمنا، عشان كده أهدافنا كمان مختلفة، وهدفك هتعرفه من خلال نظرتك لنفسك وايه اللي عايز توصله، وثانياَ من خلال الـ Inbody Test اللي هيعرفك نسبة الدهون والعضلات ووزنك وايه النسب المثالية لكل ده وكمان ايه الوزن المثالي لك، فمتكسلش واعمل Inbody Test وبعدين ادمج نتائج الـ Test مع اللي عايز توصله، وهتشوف نتائج تبهرك انت شخصياَ.


لو دورت وعصرت دماغك ولسه بردو تايه ومحتار هنقولك أكثر من هدف وانت تختار اللي يناسبك فيهم، الأهداف:

1- التخسيس وتقليل الوزن.

2- زيادة الوزن.

3- زيادة الكتلة العضلية الصافية.

4- المحافظة علي وزنك والثبات.

5- الـ Cutting.



وبما انك وصلت للنقطة دي يبقي اكيد انت اخترت هدفك، الجزء الباقي من الـ article هيعرفك ايه المكملات المناسبة لكل هدف، فانتقل على طول للفقرة اللي مهتم بيها.



 

لو هدفك التخسيس وتقليل الوزن


ضيف لنظامك الغذائي حارق دهون وعشان تعرف انهي حارق دهون مناسب لك، لازم تفرق  بين حوارق الدهون اللي بتحتوي على محفزات عصبية وحوارق الدهون الخالية من المحفزات العصبية.

*المحفزات العصبية هي أي عنصر ينشط الذاكرة ويزيد التركيز ومن أشهرها الكافيين، ولا ينصح بأي حارق دهون يحتوي على محفزات عصبية لمرضى الضغط والقلب.


وعشان نسهل عملية الشراء هتلاقي علي العلبة:

 *Stimulant - يحتوي على الكافيين. 

*Non-Stimulant - خالي من المحفزات العصبية.


ومن أشهر الـ Fat-Burners اللي بتحتوي علي كافيين Lipo 6 ، Hydroxycut، Super HD ، The Ripper، وغيرهم كثير.


ولو بتدور علي  الـ Fat-Burners الخالية من أي محفزات هتلاقي من مكوناتها : 

  1.  CLA.

  2. L-Carnitine.

  3. Chromium.

  4. Green Tea.

  5. Garcinia Cambogia.

  6. Green Coffee Bean.

  7.  Acai berry.


اعرف عن الانواع الاخري من هنا: 
weight loss and-fitness 





لو هدفك زيادة الوزن والعضلات


لو عايز تزود وزنك وعضلاتك أو لو زهقت من كتر الأكل ومحتاج سعرات حرارية أعلي، يبقي الـ Mass Gainer هو انسب اختيار ليك.


الـ Mass Gainer بيفرق عن البروتين انه بيحتوي علي كل العناصر اللي هتاخدها في وجباتك العادية، يعني سعرات حرارية وعناصر غذائية  كاملة في جرعة واحدة.


الفرق بين الـ Gainers: 

  1.  نسبة كل عنصر من العناصر الغذائية.

  2.  نوع العناصر الغذائية؛ يعني اللي عايز Clean Bulking هيلجأ للـ Gainers اللي الكارب فيها Complex يعني كارب معقد مبيرفعش سكر الدم زي الشوفان والكينوا. 

  3.  بيعتمد على سرعة الحرق كمان؛ اللي سرعة الحرق عندهم عالية جداَ ولازم يزيدوا بياخدوا الـ Gainers اللي فوق 800 سعر حراري وهيجيب معاهم نتيجة مذهلة.



لو هدفك زيادة الكتلة العضلية الصافية


لو عايز كتلة عضلية صافية يبقى ركز على الـ creatine والـ isolate protein.


الكرياتين فائدته الأساسية؛ زيادة كتلتك العضلية الصافية ومكمل اساسي وقت التضخيم والـ Isolate Protein كمان من انسب المكملات وقت الـ bulking لأن الدهون والكارب فيه نسبتهم قليلة.



لو هدفك المحافظة على وزنك والثبات


لأن المحافظة علي وزنك وقوامك المثالي من اصعب المهام، ولأن الثبات احياناَ بيبقي هدفك الوحيد، اعرف ايه المكملات اللي ممكن تساعدك علي ده.


1- مكمل الـ BCAA:

الأحماض الأمينية من أهم مقويات بناء عضلاتك لأنه العنصر الأساسي لبناء عضلاتك، العضلات محتاجة بروتين والبروتين بيتكون من الأحماض الأمينية، فعشان تحافظ علي كتلتك العضلية وتمنع تكسير العضلات ولاستمرار البناء العضلي، لازم تضيفه لنظامك الغذائي.


2- Whey Protein Isolate:

أهميته مش بتكمن بس في زيادة كتلتك العضلية، كمان هيمدك بنسبة البروتين اللي محتاجها جسمك، بيقلل احساس الجوع، وكمان غني بالأحماض الأمينية اللي بتسرع عملية الاستشفاء العضلي.

3- Fish Oil (Omega 3):

وجوده لابد منه لأنه من الأحماض الدهنية النافعة، اللي بتساعد على زيادة طاقتك وتحملك،  بيساعد على تحسين الذاكرة، وتعزيز صحة العظام و المفاصل.



لو هدفك الـ Cutting- تنشيف


1- BCAA: 

اسرع استشفاء عضلي وإصلاح الأنسجة عضلاتك التالفة.


2- Whey Protein Isolate & Creatine:

وقت الـ Cutting بتهتم أوي بانك تفقد الدهون الزيادة لإبراز تفاصيل عضلاتك، ولكن الأهم انك متفقدش الكتلة العضلية  وده اللي هيساعدك عليه الواي ايزوليت لان نسبة الدهون والكارب فيه قليلة جدا، ومع إضافة كمان الكرياتين هتلاقي افضل نتيجة لان الكرياتين هيضاعف نسبة اكتسابك للعضلات.


3- الارجنين : 

افضل pre-workout وقت الـ Cutting لأنه بيعمل علي توسيع الاوعية الدموية، وبيمدك بالطاقة لأقوى تمرين. 


وأهم خطوة:

متنساش تضيف لهدفك Multi-Vitamins و Omega 3. 


You can compare max 4 products.